Kreu      Kontakt     Harta e Faqes     E-mail
 
English   
 

Faqja Arkivė e Kėshillit tė Ministrave

 
DAP
 
Informacione mbi Kryeministrinë
Informacione mbi Kryeministrinë
 
 
Kryeministri Berisha pėrshėndet miratimin nga Komisioni i Jashtėm i Senatit amerikan tė Protokollit tė anėtarėsimit tė Shqipėrisė dhe Kroacisė nė NATO
 

- “Dua t’i siguroj shqiptarët se këtë besim do ta shfrytëzojmë për të bërë çdo përpjekje që kriteret dhe standardet e një vendi anëtar të NATO-s të zhvillohen dhe konsolidohen të sigurta në vendin tonë.”

 

Kryeministri Berisha përshëndeti sot, në mbledhjen e Këshillit të Ministrave, miratimin nga Komisioni i Jashtëm i Senatit të Shteteve të Bashkuara të Amerikës të Protokollit të anëtarësimit të Shqipërisë dhe Kroacisë në NATO.

 

Duke i shprehur falënderimet dhe mirënjohjen Komisionit të Jashtëm, qeverisë amerikane dhe Presidentit Bush, Kryeministri Berisha e konsideroi këtë një lajm të gëzuar dhe dëshmi të besimit të tyre ndaj Shqipërisë dhe shqiptarëve.

 

Në përshëndetjen e tij, Kryeministri Berisha u shpreh:

 

“Dua t’i shpreh në emrin tuaj dhe të popullit shqiptar falënderimin e thellë dhe mirënjohjen më të madhe Komisionit të Jashtëm të Senatit të Shteteve të Bashkuara të Amerikës, qeverisë së SHBA-ve dhe Presidentit George W. Bush. Dje, në Komisionin e Jashtëm të Senatit të SHBA-ve u miratua me konsensus të plotë Protokolli i anëtarësimit të Shqipërisë në NATO.

 

Me këtë rast, dua t’u dërgoj një falënderim shumë të veçantë dy miqve të mëdhenj të Shqipërisë dhe kombit shqiptar, drejtues kryesor të këtij Komisioni, senatorit Joe Biden dhe senatorit Richard Lugar. Senatori Lugar prej vitesh ka qenë një nga promotorët kryesor të integrimit të Shqipërisë në NATO. Joe Biden që aktualisht është përzgjedhur nga senatori Barak Obama si kandidat për zëvendëspresident i SHBA-ve, është një mik i  madh i shquar i Shqipërisë dhe shqiptarëve, i angazhuar prej shumë vitesh në të gjithë problematikën e madhe që kanë pasur shqiptarët.

 

Votimi i djeshëm është një besim i madh ndaj Shqipërisë dhe shqiptarëve nga miqtë tanë. Dua t’ju siguroj se këtë besim do ta shfrytëzojmë për të bërë çdo përpjekje që kriteret dhe standardet e një vendi anëtar të NATO-s të zhvillohen dhe konsolidohen të sigurta në vendin tonë.

 

Në votimin e djeshëm, në mënyrë të padiskutueshëm, një rol shumë të madh ka pasur seanca e dëgjimit që u zhvillua një jave më parë në këtë Komision, në të cilën një mik tjetër i shquar i vendit tonë, Zëvendëssekretari i Shtetit për Europën në Departamentin e Shtetit Daniel Fried i bëri përpjekjeve të Shqipërisë dhe Kroacisë në këtë seancë. Kjo seancë rriti shumë mirëkuptimin e anëtarëve të Komisionit të Jashtëm të Senatit amerikan për anëtarësimin e Shqipërisë dhe Kroacisë. Dje, Komisioni i Senatit të SHBA-ve votoi dhe pritet ta votojë në seancë plenare edhe Senati rekomandimin e Presidentit Bush dy muaj më parë, një ndër rekomandimet më të vendosura.”


24/09/2008

   Foto Galeri...

   
 
   Multimedia...
   
 
   Kërko në faqe
Kërkim i Avancuar
 
   Lajme Shkurt
 
Qeveria miraton vendimin pėr shpronėsimin e pasurive tė paluajtshme, pronė private, qė preken nga zbatimi i projektit “Bulevardi verior dhe rehabilitimi i lumit tė Tiranės”
Deklaratė e Kryeministrit
Kryeministri Berisha pret Drejtoren pėr Shqipėrinė nė Bankėn Botėrore, Ellen Goldstein
Kryeministri Berisha pret ambasadorin e Austrisė nė Shqipėri Florian Raunig
Kryeministri Berisha pret kryetarin e Partisė Aleanca pėr Ardhmėrinė e Kosovės, zotin Ramush Haradinaj
Kryeministri Berisha pret ambasadorin e ri tė Gjermanisė nė Tiranė, zotin Helmut Hoffman
Fjala e Kryeministrit Berisha nė mbledhjen e qeverisė
Kryeministri Berisha pret delegacionin e nivelit tė lartė tė kompanisė azere tė prodhimit tė naftės dhe gazit SOCAR
Kryeministri Berisha pret njė grup biznesmenėsh amerikanė
Kryeministri Berisha pret ambasadorin e Azerbajxhanit, zotin Rahman Mustafayev
 
Email:
Regjistrohuni qė tė merrni lajmet e fundit









Disclaimer Te gjitha te drejtat e rezervuara Keshilli i Ministrave