Kreu      Kontakt     Harta e Faqes     E-mail
 
English   
 

Faqja Arkivė e Kėshillit tė Ministrave

 
DAP
 
Informacione mbi Kryeministrinë
Informacione mbi Kryeministrinë
 
 
Kryeministri Berisha uron ministrat e rinj me rastin e fillimit tė detyrės
 
Kryeministri Berisha: Reformimi i sistemit arsimor dhe konsolidimi i tij mbeten jetike për të ardhmen e shoqërisë shqiptare dhe si i tillë është përparësi e qeverise.

 

Në mbledhjen e Këshillit të Ministrave, Kryeministri Berisha uroi 3 anëtarët e rinj të qeverisë, Zëvendëskryeministrin Genc Pollo, Ministrin e Arsimit Fatos Beja dhe Ministren e Shëndetësisë Anila Godo për fillimin e detyrës së re. 

 

Duke uruar zotin Pollo për detyrën e re e të rëndësishme të Zëvendëskryetarit të Këshillit të Ministrave, Kryeministri Berisha shprehu vlerësimet për punën e kryer gjatë periudhës që zoti Pollo drejtoi Ministrinë e Arsimit për reformimin e sistemit arsimor.

 

“Shqiptarët sot, janë të vetëdijshëm se shkollat dhe sistemi arsimor është një nga sektorët që ka ndryshuar më shumë në këto tre vjet. Kështu, u vendos matura shtetërore, një standard shumë i rëndësishëm për vendin. Një arsim modern dhe praktikë e re kjo, tërësisht e pacenuar nga korrupsioni, zëvendësoi praktikën e korruptuar të pranimeve në universitete. Gjithashtu u bënë përpjekje serioze për reformimin e arsimit të lartë dhe sukseset janë të qartë. Ky sistem u vu mbi baza ligjore bashkëkohore, u ngrit Këshilli i Arsimit të Lartë, një institucion shumë i rëndësishëm këshillimor për zhvillimin e shkencës dhe të arsimit. Projekti i shtrirjes së internetit në të gjitha shkolla po ecën më shpejt sesa ishte parashikuar. Si në asnjë vend tjetër të Europës, rrogat e arsimtarëve po shkojnë drejt dyfishimit. Është krijuar Fondi i Ekselencës dhe Fondi i Brain Gain. Të gjitha këto, janë një seri risish thelbësore.”

 

Kryeministri theksoi se reformimi i sistemit arsimor dhe konsolidimi i tij mbeten jetike për të ardhmen e shoqërisë shqiptare dhe si i tillë është përparësi e qeverisë, duke shprehur bindjen se zoti Fatos Beja në detyrën e Ministrit të Arsimit do të çojë përpara procesin e reformave të këtij sistemi. 

 

“Zoti Fatos Beja, një nga politikanët më të sprovuar, por njëkohësisht një personalitet background universitar dhe që e njeh arsimin, do të vazhdojë thellimin e këtyre reformave të rëndësishme. Reformimi i arsimit, konsolidimi i tij është jetik për të ardhmen e shoqërisë shqiptare. Në këtë drejtim, jam i bindur se zoti Beja do të shtyjë përpara këtë proces.”


30/07/2008

   Foto Galeri...

   
 
   Multimedia...
   
 
   Kërko në faqe
Kërkim i Avancuar
 
   Lajme Shkurt
 
Qeveria miraton vendimin pėr shpronėsimin e pasurive tė paluajtshme, pronė private, qė preken nga zbatimi i projektit “Bulevardi verior dhe rehabilitimi i lumit tė Tiranės”
Deklaratė e Kryeministrit
Kryeministri Berisha pret Drejtoren pėr Shqipėrinė nė Bankėn Botėrore, Ellen Goldstein
Kryeministri Berisha pret ambasadorin e Austrisė nė Shqipėri Florian Raunig
Kryeministri Berisha pret kryetarin e Partisė Aleanca pėr Ardhmėrinė e Kosovės, zotin Ramush Haradinaj
Kryeministri Berisha pret ambasadorin e ri tė Gjermanisė nė Tiranė, zotin Helmut Hoffman
Fjala e Kryeministrit Berisha nė mbledhjen e qeverisė
Kryeministri Berisha pret delegacionin e nivelit tė lartė tė kompanisė azere tė prodhimit tė naftės dhe gazit SOCAR
Kryeministri Berisha pret njė grup biznesmenėsh amerikanė
Kryeministri Berisha pret ambasadorin e Azerbajxhanit, zotin Rahman Mustafayev
 
Email:
Regjistrohuni qė tė merrni lajmet e fundit









Disclaimer Te gjitha te drejtat e rezervuara Keshilli i Ministrave