Kreu      Kontakt     Harta e Faqes     E-mail
 
English   
 

Faqja Arkivė e Kėshillit tė Ministrave

 
DAP
 
Informacione mbi Kryeministrinë
Informacione mbi Kryeministrinë
 
 
Kryeministri Berisha: Projektligji pėr huamarrjen e qeverisjes vendore, hap i rėndėsishėm nė zbatimin e politikave zhvilluese pėr qytetarėt
 

Kryeministri Berisha u ndal sot, gjatë mbledhjes së Këshillit të Ministrave, në projektligjin për huamarrjen e qeverisjes vendore, duke e vlerësuar atë një hap pozitiv dhe të rëndësishëm për financat e qeverive vendore dhe zbatimin e politikave zhvilluese, në interesin më të mirë të qytetarëve.

 

“Ky është një hap jashtëzakonisht pozitiv dhe i rëndësishëm, në mënyrë që qytetet tona të zbatojnë politika të rëndësishme zhvilluese në interesin më të mirë të qytetarëve tanë,” u shpreh Kryeministri.

 

Në bazë të këtij ligji, vijoi Kryeministri, bashkitë e komunat e vendit do të ushtrojnë të drejtën e tyre kushtetuese për të marrë kredi, që, më pas, do të ndjekin rrugën që ndjekin të gjitha kreditë shtetërore, miratimin  tyre nga parlamenti.

 

Duke u ndalur në rëndësinë e thellimit të procesit të decentralizimit, Kryeministri kërkoi nga të gjitha ministritë të përmbushin sa më shpejt detyrimet ligjore që rrjedhin nga ligji i qeverisjes vendore.

 

“Nuk duhet të mbajmë nën autoritetin tonë asgjë nga ato që ligji përcakton se i përkasin qeverisjes vendore. Qeveria nuk mund të përmbushë misionin e saj, pa ushtrimin e plotë të funksioneve dhe kompetencave të qeverisjes vendore,” theksoi Kryeministri.

 

Gjatë mbledhjes së Këshillit të Ministrave, Kryeministri njohu anëtarët e qeverisë me takimin me kryetarët e bashkive të qarqeve dhe kryesinë e shoqatës së kryetarëve të bashkive, takim të cilin e vlerësoi tepër të frytshëm.

 

Kryeministri veçoi si çështje kryesore të dala nga takimi me drejtuesit vendorë  decentralizimin e shërbimeve sociale dhe në një shkallë të caktuar edhe të institucioneve të vlerave kulturore dhe arkeologjike, rishqyrtimin e ligjit të pasurive botërore për të përcaktuar qartësisht detyrimet e palëve, si dhe shpejtimin e planeve rregulluese dhe përcaktimin e vijave të verdha të qyteteve. Nëse qytetet kanë vija të verdha, - theksoi Kryeministri - ky koncept është zhdukur dhe qytetet janë objekt i një agresioni periferik të paparë, nuk kuptohet ku është qendra e komunës apo ku ka fshat, por një vërshim drejt qyteteve pa asnjë kriter.

Kryeministri kërkoi nga anëtarë e qeverisë që decentralizimi të shtrihet edhe në fushën e arsimit, të shëndetësisë dhe shërbimeve sociale. 

 

Kryeministri vlerësoi të rëndësishëm për shpejtimin e këtij procesi edhe vendimin e arritur në  këtë takim për krijimin e një komisioni me ekspertë financiarë të qeverisjes qendrore dhe asaj vendore për të gjitha modalitetet e decentralizimit fiskal dhe thellimin e këtij decentralizimi.



05/12/2007

   Foto Galeri...

   
 
   Multimedia...
   
 
   Kërko në faqe
Kërkim i Avancuar
 
   Lajme Shkurt
 
Qeveria miraton vendimin pėr shpronėsimin e pasurive tė paluajtshme, pronė private, qė preken nga zbatimi i projektit “Bulevardi verior dhe rehabilitimi i lumit tė Tiranės”
Deklaratė e Kryeministrit
Kryeministri Berisha pret Drejtoren pėr Shqipėrinė nė Bankėn Botėrore, Ellen Goldstein
Kryeministri Berisha pret ambasadorin e Austrisė nė Shqipėri Florian Raunig
Kryeministri Berisha pret kryetarin e Partisė Aleanca pėr Ardhmėrinė e Kosovės, zotin Ramush Haradinaj
Kryeministri Berisha pret ambasadorin e ri tė Gjermanisė nė Tiranė, zotin Helmut Hoffman
Fjala e Kryeministrit Berisha nė mbledhjen e qeverisė
Kryeministri Berisha pret delegacionin e nivelit tė lartė tė kompanisė azere tė prodhimit tė naftės dhe gazit SOCAR
Kryeministri Berisha pret njė grup biznesmenėsh amerikanė
Kryeministri Berisha pret ambasadorin e Azerbajxhanit, zotin Rahman Mustafayev
 
Email:
Regjistrohuni qė tė merrni lajmet e fundit









Disclaimer Te gjitha te drejtat e rezervuara Keshilli i Ministrave