Kreu      Kontakt     Harta e Faqes     E-mail
 
English   
 

Faqja Arkivė e Kėshillit tė Ministrave

 
DAP
 
Informacione mbi Kryeministrinë
Informacione mbi Kryeministrinë
 
 
Kryeministri Berisha: Zgjerimi i hapėsirave tė sektorit privat nė arsim e shėndetėsi, i domosdoshėm
 

Kryeministri Berisha u shpreh sot, gjatë mbledhjes së Këshillit të Ministrave, për domosdoshmërinë e zgjerimit të hapësirave të sektorit privat në arsim dhe shëndetësi.

 

“Sektori privat në shërbime nuk mund të konsiderohet sektor jetim, përndryshe nuk e ka shumë të thjeshtë zhvillimin. Sektori privat në arsim dhe shëndetësi kërkon edhe mbështetje,” u shpreh Kryeministri.

 

Kryeministri theksoi se potenciali i sektorit privat në sistemin arsimor dhe në atë shëndetësor është shumë herë më i madh, sesa kontributi i tij i deritanishëm.

 

Duke vlerësuar progresin e bërë në arsim, me funksionimin i një sërë shkollash private,   Kryeministri theksoi se pesha e sektorit privat mund të jetë shumë herë më e madhe, prandaj është e domosdoshme të gjenden stimujt dhe mënyrat e inkurajimit të tyre.

 

“Ne kemi arritur në 4 për qind të PPB-së në buxhetin për arsimin dhe, në rast se marrim në konsideratë edhe sektorin privat, jemi diçka më shumë, por është e domosdoshme ta nxisim më tej këtë. Ne nuk duhet të frenohemi absolutisht nga epitet dhe nga skepticizmi i individëve apo grupeve të caktuara, por ndaj sektorit privat ne duhet të kemi vetëm standardin,” u shpreh Kryeministri.

 

Duke vlerësuar të rëndësishme mospërdorimin e dy standarde në vlerësimin e universiteteve, Kryeministri tha se është e domosdoshme të kontraktohet sa më shpejt kompania e rating-ut për universitetet, për të klasifikuar si universitetet private dhe ato publike.

 

“Edhe vende të BE-së, - u shpreh Kryeministri, - rating-un e bëjnë me kompani ndërkombëtare më të profilizuara në procesin e vlerësimit dhe pikësimit të universiteteve. Nga ky proces, disa universitete vlerësohen shkëlqyer, disa mirë dhe të tjerë hyjnë në listën e zezë dhe ky rezultat i bëhet i ditur publikut. Ky është qëndrimi korrekt dhe i drejtë  që duhet të mbajmë, pasi për të vënë etiketa është shumë e thjeshtë.”

 

Angazhimi më i madh i sektorit privat në arsim, vijoi Kryeministri, bëhet edhe më i domosdoshëm tani kur po ecet me shpejtësi drejt rritjes së madhe të numrit të studentëve.

 

“Universitetet nuk janë pa defekte, por aty ka grupe intelektualësh dhe ekspertësh të mirëshkolluar e diplomuar në universitetet perëndimore, të cilët bëjnë një shërbim shumë të dobishëm. Ka një shpirt akademik shumë më të hapur. Por, natyrisht, ne duhet të kërkojmë dhe të vendosim standardet dhe nuk është normale të bëjmë përgjegjës ato, për përgjegjësitë që duhet të mbajmë ne vetë.”

 

Duke nënvizuar nevojën e zhvillimit të arsimit profesional, Kryeministri kërkoi nga Ministria e Arsimit të inkurajojmë hapjen e shkollave të mesme profesionale.

 

“Me rënien e kooperativave dhe fermave bujqësore, pati një kolapsi pothuaj të plotë të sistemit profesional, i cili ishte i bazuar kryesisht në shkollat bujqësore. Ne mund të përcaktojmë stimuj për hapjen e shkollave profesionale. Kthesa e shpejtë dhe rregullimi raportit shkollë e përgjithshme- shkollë profesionale është i rëndësishëm për vendin,” tha Kryeministri.

 

Në shëndetësi, Kryeministri theksoi se mbështetja ndaj sektorit privat duhet të jetë edhe më të madhe, sepse ai e ka të vështirë të përballet më një sektor publik që ka garanci financiare të plotë dhe të gjithanshme. “Një pjesë e këtyre garancive financiare, - tha Kryeministri, - në të gjitha vendet pa përjashtim shtrihen edhe drejt sektori privat.”  

 

Duke përshëndetur si një zhvillim shumë pozitiv realizimin e transplantim të parë të veshkave nga sektori privat, Kryeministri theksoi se së shpejti kjo do të realizohet edhe në sektorin publik.

 

“Ne nuk duhet të kemi asnjë kompleks, në rast se në sektorin privat ka aparatura diagnostikuese, që nuk i ka sektori publik dhe kjo ka qenë e vërtetë në të gjithë botën. Ne nuk i privojmë të sëmurët tanë nga ky shërbim, por e përdorim atë si kontraktor. Hapat në këtë drejtim janë bërë dhe ne duhet të përpiqemi t’i nxisim e të përcaktojmë stimuj. Në këtë mënyrë ndryshojmë cilësinë  e shërbimit,” u shpreh Kryeministri.

 

Duke vlerësuar se sektori privat është në pararojë në shumë aspekte, në krahasim me atë publik, Kryeministri tha se lëvizjet e deritanishme në këtë drejtim duhet të shumëfishohen, pasi arsimi dhe shëndetësia janë sektorë shumë të rëndësishëm.

 


21/11/2007

   Foto Galeri...

   
 
   Multimedia...
   
 
   Kërko në faqe
Kërkim i Avancuar
 
   Lajme Shkurt
 
Qeveria miraton vendimin pėr shpronėsimin e pasurive tė paluajtshme, pronė private, qė preken nga zbatimi i projektit “Bulevardi verior dhe rehabilitimi i lumit tė Tiranės”
Deklaratė e Kryeministrit
Kryeministri Berisha pret Drejtoren pėr Shqipėrinė nė Bankėn Botėrore, Ellen Goldstein
Kryeministri Berisha pret ambasadorin e Austrisė nė Shqipėri Florian Raunig
Kryeministri Berisha pret kryetarin e Partisė Aleanca pėr Ardhmėrinė e Kosovės, zotin Ramush Haradinaj
Kryeministri Berisha pret ambasadorin e ri tė Gjermanisė nė Tiranė, zotin Helmut Hoffman
Fjala e Kryeministrit Berisha nė mbledhjen e qeverisė
Kryeministri Berisha pret delegacionin e nivelit tė lartė tė kompanisė azere tė prodhimit tė naftės dhe gazit SOCAR
Kryeministri Berisha pret njė grup biznesmenėsh amerikanė
Kryeministri Berisha pret ambasadorin e Azerbajxhanit, zotin Rahman Mustafayev
 
Email:
Regjistrohuni qė tė merrni lajmet e fundit









Disclaimer Te gjitha te drejtat e rezervuara Keshilli i Ministrave