Kreu      Kontakt     Harta e Faqes     E-mail
 
English   
 

Faqja Arkivė e Kėshillit tė Ministrave

 
DAP
 
Informacione mbi Kryeministrinë
Informacione mbi Kryeministrinë
 
 
Kryeministri Berisha: Fieri dhe Berati qytete prioritare pėr ndėrtimin e parqeve industriale
 

Duke analizuar vizitat në Berat dhe Fier, Kryeministri Berisha tha se këto dy qytete do të konsiderohen në listën e qyteteve që do të kenë parqe industriale. Ai vlerësoi se këto qytete kanë tradita të shkëlqyera industriale në vend, ku janë vendosur sipërmarrje të mëdha. “Ne duhet t’i krijojmë mundësi Fierit dhe Beratit për të pasur parqe industriale. Të dy qytetet kanë tradita të shkëlqyera industriale në vend. Kudo ku shkova gjeta sipërmarrje të mëdha në Fier, Berat, Patos dhe funksiononin për eksport,” u shpreh Kryeministri.

Kryeministri kërkoi gjithashtu nga Ministria e Ekonomisë, Tregtisë dhe Energjetikës të përfundojë projektin për sistemimin e lumit Osum, në Berat dhe pastrimin e ujerave të lumit Gjanicë, në Fier. “Duhet të bëhet projekti përfundimtar për Osumin. Ky lum kalon mes për mes qytetit, ndaj duhet të ketë sistemimin dhe dekorimin e nevojshëm. Gjanica gjithashtu përbën një problem të madh për Fierin. Ministri i Ekonomisë duhet të urdhërojë dy korporatat që ndotin lumin në mënyrë të papranueshme. Ato nuk duhet të derdhin asnjë sasi ujë të ndotur, pa e kaluar në impiantet e pastrimit para se të zbresin në Gjanicë, që ndodhet ngjitur me bulevardin e Fierit,” tha Kryeministri, duke nënvizuar se ndotjen kryesore këtij lumi ia shkakton nafta. “Ndërmarrjet e naftës, - tha Kryeministri, - duhet të vendosin si detyrim absolut impiantet e pastrimit të ujërave para shkarkimit të tyre. Ministria e Mjedisit do të ushtrojë të gjithë tagrin ligjor ndaj tyre për të imponuar zbatimin e standardeve. Impiante të tilla janë shumë të fuqishme dhe duhet të vendosen në të gjitha instalimet e Armos dhe Albpetrol-it.”

Kryeministri kërkoi gjithashtu që Ministria e Ekonomisë, Tregtisë dhe Energjitikës të shohë mundësinë e vendosjes së një nënstacioni të dytë elektrik në Berat, si dhe shqyrtimin e rrjetit elektrik të tij. Duke përshëndetur nivelin e lartë të arkëtimeve për energjinë e konsumuar në këtë rreth, ai tha se KESH-i duhet të ketë bonuse për të. “Berati është qytet me nivel të shkëlqyer të pagesave të energjisë elektrike. Prandaj KESH-i duhet të ketë bonuse për këto rrethe. Ne nuk besojmë se politika që ndjekim është më e drejta. Shkodra sot po i afrohet 70 për qind të pagesës së energjisë së konsumuar. Ka një mënyrë për të vdekur jetën ekonomike të një vendi dhe kjo është t’i presësh energjinë. Por ka edhe një mënyrë tjetër, t’i japësh mundësinë të paguajë energjinë dhe ne ndoqëm këtë të dytën. Kjo po jep rezultatet të qarta, por kjo nuk përjashton bonuset për ata që janë në krye të pagesave.”

 


12/09/2007

   Foto Galeri...

   
 
   Multimedia...
   
 
   Kërko në faqe
Kërkim i Avancuar
 
   Lajme Shkurt
 
Qeveria miraton vendimin pėr shpronėsimin e pasurive tė paluajtshme, pronė private, qė preken nga zbatimi i projektit “Bulevardi verior dhe rehabilitimi i lumit tė Tiranės”
Deklaratė e Kryeministrit
Kryeministri Berisha pret Drejtoren pėr Shqipėrinė nė Bankėn Botėrore, Ellen Goldstein
Kryeministri Berisha pret ambasadorin e Austrisė nė Shqipėri Florian Raunig
Kryeministri Berisha pret kryetarin e Partisė Aleanca pėr Ardhmėrinė e Kosovės, zotin Ramush Haradinaj
Kryeministri Berisha pret ambasadorin e ri tė Gjermanisė nė Tiranė, zotin Helmut Hoffman
Fjala e Kryeministrit Berisha nė mbledhjen e qeverisė
Kryeministri Berisha pret delegacionin e nivelit tė lartė tė kompanisė azere tė prodhimit tė naftės dhe gazit SOCAR
Kryeministri Berisha pret njė grup biznesmenėsh amerikanė
Kryeministri Berisha pret ambasadorin e Azerbajxhanit, zotin Rahman Mustafayev
 
Email:
Regjistrohuni qė tė merrni lajmet e fundit









Disclaimer Te gjitha te drejtat e rezervuara Keshilli i Ministrave