Kreu      Kontakt     Harta e Faqes     E-mail
 
English   
 

Faqja Arkivė e Kėshillit tė Ministrave

 
DAP
 
Informacione mbi Kryeministrinë
Informacione mbi Kryeministrinë
 
 
Ministri Pollo: Vijon fushata ndėrgjegjėsuese pėr siguri nė internet
 
Në kuadër të Ditës për Internet më të Sigurt u organizua sot në hotel Tirana Konferenca Kombëtare për Sigurinë e Fëmijëve në Internet. I pranishëm në këtë konferencë Ministri për Inovacionin dhe TIK z. Genc Pollo falenderoi kompaninë Microsoft Albania për organizimin, dhe tha se “Ky event po kthehet në një traditë, në të cilin jemi mbledhur rregullisht për të theksuar këtë aspekt të internetit dhe të botës digjitale, të zhvillimit të jashtëzakonshëm që kemi parë në dekadën e fundit.”

Duke përmendur disa statistika Ministri Pollo tha ndër të tjera se: “Numri i përdoruesve të teknologjisë së informacionit e të komunikimit, është rritur ndjeshëm; numri i përdoruesve celularë në vend e kapërcen shifrën 100%, numri i smart phone-ve është rritur shpejt dhe tek ne dhe si përdorues të internetit llogaritet afro 60% e popullsisë. Shumë shpejt është rritur dhe numri i përdoruesve në rrjetet sociale. Vetem në facebook aktualisht ka gati 1,3 milion përdorues, ose e thënë ndryshe me shumë se 78% e popullsisë online janë aktivë në rrjetet sociale.”

Në lidhje me përdoruesit e rinj dhe të mitur Ministri vuri në dukje se : “Nëse analizojmë të dhënat për moshën e përdoruesve të rrjeteve sociale, rezulton që shumica e tyre janë të rinj nën 24 vjeç. Por ndër përdoruesit aktivë të rrjeteve sociale, përfshihet dhe një përqindje jo e vogël e moshave nën 18 vjec, kështu 15%  e tyre janë 15-17 vjec dhe 6% në moshën 13-15 vjec.”

Ministri vijoi se: “Vitin e kaluar në ditën e Internetit më të sigurtë  organizuam një tryezë  “Të gjithë së bashku për një Internet më të sigurtë” dhe bashkarisht me kompanitë e komunikimeve elektronike, duke filluar me katër operatorët celularë, filluam një proces konsultimi, duke i përfshirë këta operatorë, ISP-të, institucionet publike, organizatat për mbrojtjen e fëmijeve etj, pranuam dobinë dhe nevojën e përshtatjes dhe zhvillimit të praktikave të vetë-rregullimit midis operatorëve, në mënyrë që të ndërmerren masa dhe angazhime për ndërgjegjësimin prindëror, të familjeve, të femijeve për një Internet më të sigurt. Organizuam një sërë aktivitetesh në bashkepunim me MASH, Microsoft, Televizionet, keta te fundit  pranuan të transmetojnë video, ku i bëhet thirrje publike prindërve për të patur kujdes dhe ku jepen edhe udhëzime fillestare se si mund të jesh i kujdesshëm, si dhe për tu orientuar te website-t ku mund të merret një informacion më i plotë dhe më i detajuar”.

Si ndër veprimet konkrete në këtë fushë Ministri Pollo njoftoi se “Këtë të enjte, pas një pune njëvjeçare, do të jemi të pranishëm në ceremoninën e nënshkrimit të Kodit të Sjelljes midis operatorëve mobilë dhe ISP-ve, për të futur praktika të reja dhe një trajtim më të kujdesshëm ndaj klientëve të tyre, pra ndaj marrësve të shërbimit të internetit, në mënyrë që gjithkush të ketë mundësi të mbrohet dhe të ketë dijeni se si të mbrohet.”

Në konferencë morën pjesë Ministri i Arsimit dhe Shkencës z. Myqerem Tafaj, Ambasadori ShBA-ve z. Alexander Arvizu, Ambasadori i BE-së z. Ettore Sequi, mësues, nxënës, etj.


05/02/2013

   Foto Galeri...

   
 
   Multimedia...
   
 
   Kërko në faqe
Kërkim i Avancuar
 
   Lajme Shkurt
 
Qeveria miraton vendimin pėr shpronėsimin e pasurive tė paluajtshme, pronė private, qė preken nga zbatimi i projektit “Bulevardi verior dhe rehabilitimi i lumit tė Tiranės”
Deklaratė e Kryeministrit
Kryeministri Berisha pret Drejtoren pėr Shqipėrinė nė Bankėn Botėrore, Ellen Goldstein
Kryeministri Berisha pret ambasadorin e Austrisė nė Shqipėri Florian Raunig
Kryeministri Berisha pret kryetarin e Partisė Aleanca pėr Ardhmėrinė e Kosovės, zotin Ramush Haradinaj
Kryeministri Berisha pret ambasadorin e ri tė Gjermanisė nė Tiranė, zotin Helmut Hoffman
Fjala e Kryeministrit Berisha nė mbledhjen e qeverisė
Kryeministri Berisha pret delegacionin e nivelit tė lartė tė kompanisė azere tė prodhimit tė naftės dhe gazit SOCAR
Kryeministri Berisha pret njė grup biznesmenėsh amerikanė
Kryeministri Berisha pret ambasadorin e Azerbajxhanit, zotin Rahman Mustafayev
 
Email:
Regjistrohuni qė tė merrni lajmet e fundit









Disclaimer Te gjitha te drejtat e rezervuara Keshilli i Ministrave